Është vënë sot gurthemeli për ndërtimin e objektit të sallës së edukatës fizike në shkollën “Haxhi Hoti” në Rogovë, një investim ky i ministrisë së Arsimit, Shkenës dhe Teknologjisë.
Në ceremoninë e vënies së këtij gurthemeli ka marrë pjesë edhe ministri i MASHT-it Shiqeri Bytyqi, nënkryetari i komunës së Gjakovës Ramadan Hoti, drejtorët komunal Bernard Frrokaj e Flamur Fetahaj, deputeti Veton Berisha, zëvendës ministri i MASHT-it Arton Berisha si dhë zyrtarë tjerë lokal e qëndror.
Bashkë me zyrtarët shtetëror, në vënien e këtij gurthemeli ka marrë pjesë edhe nëna e dëshmorit Haxhi Hoti, emrin e të cilit me krenari e mban shkolla.
Ndërtimi i këtij objekti, nga banorët e Rogovës është vlerësuar si një investim i qëlluar dhe shumë i domosdoshëm për nevojat e nxënësve rogovas.
