Disa të rinjë nga Fort Dodge – Iowa , kanë vizituar institucionin e Komunës së Gjakovës, ku janë pritur nga Nënkryetari i Komunës, Flamur Fetahaj, Drejtoresha për Kulturë, Rini dhe Sport, Adea Roka dhe zyrtarë të tjerë komunalë.
Nënkryetari Fetahaj i’u shprehu mirëseardhje miqve tanë amerikanë në qytetin tonë, duke thënë se ndihet i lumtur që këto ditë ata kanë pasur mundësi të njohin më shumë kulturën dhe traditën tonë si dhe vendet atraktive që ofron Gjakova.
Ndërkaq mysafirët e informuan atë me aktivitetet që kanë zhvilluar këto ditë, duke vënë në pah mikpritjen që kanë hasur tek familjet ku ata po qëndrojnë por edhe tek banorët e komunës sonë në përgjithësi.
Miqësia jonë me Fort Dodge – Iowa do të vazhdojë edhe më tutje.
