Më 28 Mars, njëzet vite më parë u themelua Brigada 137 Gjakova. Brigada u krijua me urdhër të Komandantit të Zonës Operative të Dukagjinit, Ramush Haradinaj.
“Sot është një ditë lavdie për ne. Brigada 137 Gjakova ka treguar heroizmin e vet. Djemtë dhe vajzat e kësaj brigade kanë treguar atdhedashurinë dhe sakrificën në kohët më të vështira. Shumë prej udhëheqësve të brigadës, sot nuk janë me ne. E kujtojmë Komandantin e dytë, Avdullah Babalija i cili e ka udhëhequr në mënyrë të jashtëzakonshme brigadën me shumë bashkëluftëtarë të tjerë“-tha kryetari Gjini pas homazheve që bëri në varrezat e dëshmorëve.
