Me bashkëautorësi nga Bajram Gashi dhe Halil Ahmeti, është promovuar monografia “Haki Taha, në kufi të legjendës”, kushtuar një prej figurave sa heroike e kombëtare aq edhe të anatemuar e të nëpërkëmbur për vite me rradhë nga sistemet komuniste qoftë në ish – Jugosllavi qoftë në Shqipëri.
Në këtë aktivitet ka marrë pjesë edhe kryetari i komunës së Gjakovës Ardian Gjini, i cili mes tjerash ka thënë se vepra të tilla janë në shërbim të qartësimeve historike dhe personaliteteve shqiptare, të cilat, siç ka thënë ai, janë shtrembëruar për vite me rradhe nga korruptimi i historisë së popullit tonë.
