Është përuruar rruga në fshatin Dujakë. Të gjitha punimet janë realizuar sipas planit dinamik të punës dhe që nga sot banorët e kësaj ane do të mund t’i gëzohen investimit komunal.
“Deri më tani kanë përfunduar dhjetë (10) rrugë, ndërkaq me procedura të prokurimit kanë përfunduar tashmë dyzet e tre (43) rrugë ku me buxhet vetanak, Komuna e Gjakovës do t’i përfshijë edhe njëzet (20) të tjera, ndërkaq nga Ministria po punohet për momentin në dymbëdhjetë rrugë. Në të gjitha anët po punohet sepse nevojat janë të shumta dhe ne si qeverisje lokale po punojmë që brenda periudhës katër vjeçare të përfundojmë të gjitha rrugët” u shpreh ndër të tjera kryetari Gjini.
Gjithashtu, sot filluan punimet edhe për sanimin e tri lokacioneve në Gjakovë.
Ndonëse me frekuentim të shumtë dhe nevojë emergjente për ndërhyrje, deri sot këto lokacione nuk u planifikuan në buxhet.
Shumë shpejtë banorët e lagjes, prindërit dhe fëmijët do ta kenë më të lehtë qasjen deri tek institucioni parashkollor „Ganimete Tërbeshi“ dhe tek lokacioni prapa KEDS-it.
