Murali “Çast” është përuruar në shëtitoren përgjatë lumit Krena në Gjakovë, duke u bërë pjesë e hapësirës publike si një vepër me mesazh të fuqishëm për kujtesën, dinjitetin dhe qëndresën e të mbijetuarve të dhunës seksuale gjatë luftës në Kosovë.
Në ceremoninë e përurimit morën pjesë Ambasadori i Mbretërisë së Bashkuar në Kosovë, Jonathan Hargreaves, ish-Presidentja e Republikës së Kosovës, Atifete Jahjaga, si dhe përfaqësues të UN Women dhe Medica Gjakova, të cilët kontribuuan në realizimin e këtij projekti me rëndësi të veçantë.
Murali është vepër e artistes nga Gjakova, Mimoza Rraci, dhe përmes artit përcjell një mesazh të fuqishëm për respektimin e dinjitetit njerëzor, kujtesën kolektive dhe solidaritetin me të mbijetuarat e dhunës seksuale gjatë luftës.
