Janë finalizuar projekte infrastrukturore që ndonëse jo me kosto të lartë, por për dekada kanë qenë të pakalueshme për banorët e këtyre lagjeve.
“Kjo është vetëm faza e parë e përurimeve të projekteve infrastrukturore në komunën tonë. Sot këto rrugica që po i përurojmë kanë qenë deri tash gati të pakalueshme nga balta. Ne kemi shumë punë sivjet dhe po punojmë intensivisht në tërë qytetin” tha ndër të tjera, kryetari i Komunës, Ardian Gjini.
Ndryshe sot u përuruan rrugët: Abedin Tërbeshi, Tahir Zajmi, Jakup Agushi dhe rruga tek shkolla fillore „Fehmi Agani“, projekte këto që në tërësi kapin vlerën rreth 80,000.00€.
