Shoqata e Intelektualëve “Jakova” organizoi akademi solemne në nderim të jetës dhe opusit letrar të shkrimtarit e intelektualit Teki Dërvishit (1943-2011).
Në fjalën e rastit, Ardian Gjini, Kryetar i Komunës së Gjakovës tha: ”Jam i lumtur që kam pasur fatin t’a njoh e të bisedoj për orë të tëra me Tekiun, me mikun e rrallë e të jashtëzakonshëm. Ai ka mbjellë fidane të cilat do të përcillen gjeneratë pas gjenerate”.
Kjo akademi vijoi me një tryezë shkencore në të cilën prezentuan kumtesat e tyre, Prof. Dr. Arben Hoxha, Prof. Dr. Fadil Hysaj dhe Prof. Dr. Haqif Mulliqi.
Autori i mbi nëntëdhjetë veprave letrare artistike, romane, poezi novela e drama
u kujtua edhe përmes disa krijimeve të tij të cilat u lexuan gjatë kësaj akademie përkujtimore.
