Ceremonia kryesore e shënimit të përvjetorit të rënies së Heroit të Kombit, Yll Morina është mbajtur në shkollën që mban emrin e tij.
Gjatë fjalës së tij para mësimdhënësve dhe stafit menaxhues të këtij institucioni arsimor, Kryetari i Komunës, Ardian Gjini, u shpreh se Shkolla “Yll Morina” është shkollë model e cila me krenari mban emrin e heroit i cili dha më të shtrenjtën jetë në një ndër periudhat më të vështira për popullin shqiptar. “Urime Festa e Shkollës. Sot është një ditë e veçantë për ju dhe për të gjithë ne. Ju përgëzoj për organizimin dhe punën që bëni çdo ditë” u shpreh ndër të tjera Kryetari Gjini.
I pranishëm në këtë ceremoni ishte edhe Drejtori i Arsimit, Gjevalin Nikollbibaj i cili poashtu uroi stafin me rastin e Festës së Shkollës duke ju dëshiruar suksese të mëtutjeshme.
