Me nderime të larta, janë përkujtuar 14 dëshmorët e rënë më 29 Mars 1999 në betejën e Shishmanit të Bokës.
Gjatë homazheve, Kryetari i Komunës, Ardian Gjini, u shpreh se ditë si këto na kujtojnë ata të cilët u vetëflijuan për lirinë që e gëzojmë sot. “Padyshim, gjithmonë do të ndiejmë mall për këta djem të cilët përmes një lufte të jashtëzakonshme e kanë shkruar historinë e vendit tonë. Lavdi dhe nderim i përjetshëm për të gjithë të rënët e lirisë” u shpreh ndër të tjera ai.
