Me homazhe dhe nderime janë përkujtuar 13 dëshmorët e rënë heroikisht në fshatin Kralan 24 vjet më parë.
Në këtë ditë janë kujtuar e nderuar dëshmorët Xhavit Islami, Arben Hereqi, Rifat Smajli, Blerim Ahmeti, Shefqet Dervishaj, Rifat Salihu, Sadri Ahmeti, Metë Alija, të gjithë nga fshati Kralan si dhe Ilir Soba e Visar Myftari nga Gjakova, Fehmi e Sadri Shala nga Cermiani dhe Kujtim Qallaku nga fshati Baballoq.
Në nderim të këtyre dëshmorëve, pos shumë bashkeluftëtarëve e banorëve të Dushkajës, homazhe ka bërë edhe kryetari i komunës së Gjakovës Ardian Gjini me bashkëpunëtorë.
Në një fjalë rasti, kryetari Gjini mes tjerash tha se kontributi i sakrifica e dëshmorëve do të kujtohet e respektohet gjithmonë.
