Për nder të festës së Kurban Bajramit. Nënkryetari i Komunës Flamur Fetahaj i shoqëruar nga drejtorë komunalë, kanë qëndruar për vizitë në Bashkësinë Islame – Dega në Gjakovë.
Nënkryetari Fetahaj e ka falënderuar kryetarin e BIK-ut në Gjakovë Valon Myrta për pritjen e ngrohtë dhe njëkohësisht e ka uruar për këtë festë të bekuar.
Njëkohësisht, ai ka përçuar mesazhin e urimit tek të gjithë besimtarët myslimanë, duke uruar që në këto ditë feste, në familjet e tyre të mbizotërojë mirësia, harmonia dhe begatia. Pasiqë kjo festë simbolizon mëshirën, ai gjithashtu ka uruar që të gjithë ne të shtrijmë dorën e ndihmës për njerëzit në nevojë.
