Pas 22 vitesh pune në Komunën e Gjakovës, është pensionuar Vera Shala, zyrtare për telefoni në Drejtorinë për Mbrojtje dhe Shpëtim, duke përmbyllur një karrierë të karakterizuar nga përgjegjësia, përkushtimi dhe profesionalizmi.
Në shenjë vlerësimi për kontributin e saj ndër vite, drejtori i Drejtorisë për Mbrojtje dhe Shpëtim, Haxhi Sejdiu, i ndau mirënjohje dhe e uroi për pensionimin, duke e falënderuar për angazhimin dhe punën e palodhshme në shërbim të institucionit dhe qytetarëve.
Mirënjohje dhe fjalë vlerësimi shprehën edhe kolegët e saj, të cilët e cilësuan Verën si një punëtore të përkushtuar, bashkëpunëtore dhe kolege shembullore.
Komuna e Gjakovës e falënderon Verën për kontributin e dhënë ndër vite dhe i uron shëndet, lumturi dhe mbarësi në këtë kapitull të ri të jetës.
