Pas 42 vitesh kontribut të çmuar në institucionin e Komunës së Gjakovës, Gazmend Radoniqi ka përmbyllur karrierën e tij profesionale duke u pensionuar nga pozita e gjeometrit në Drejtorinë për Gjeodezi, Kadastër dhe Pronë.
Në ceremoninë e organizuar me këtë rast, Nënkryetari i Komunës së Gjakovës, Flamur Fetahaj, shprehu mirënjohje të veçantë për punën, përkushtimin dhe profesionalizmin e treguar ndër vite, duke vlerësuar shërbimin korrekt dhe të përgjegjshëm të Radoniqit ndaj qytetarëve dhe institucionit.
Kolegët e tij e uruan për këtë etapë të re të jetës, duke e falënderuar për bashkëpunimin e shkëlqyer, kontributin e dhënë dhe marrëdhëniet profesionale të ndërtuara gjatë dekadave të shërbimit.
Komuna e Gjakovës i shpreh mirënjohje të sinqertë për angazhimin e tij shumëvjeçar dhe i uron pensionim të mbarë, shëndet, lumturi dhe mirëqenie në vazhdim.
