Pas 27 vitesh shërbim në Komunën e Gjakovës, Naim Grezda ka përmbyllur me dinjitet një kapitull të gjatë dhe të suksesshëm profesional, duke u pensionuar pas një karriere të përkushtuar në shërbim të qytetarëve.
Gjatë këtyre viteve, ai ka dhënë kontribut të çmuar fillimisht si Inspektor i Ndërtimit dhe së fundmi si Inspektor i Ambientit, duke kryer detyrën me profesionalizëm, përgjegjësi dhe përkushtim të vazhdueshëm.
Në një ceremoni të organizuar nga kolegët dhe miqtë e tij, Kryetari i Komunës së Gjakovës, Ardian Gjini, e nderoi me mirënjohje për punën e palodhshme dhe kontributin e dhënë ndër vite në institucion.
Me shumë respekt dhe falënderim, kolegët vlerësuan profesionalizmin, korrektësinë dhe bashkëpunimin e shkëlqyer që e karakterizoi gjatë gjithë angazhimit të tij.
Komuna e Gjakovës i shpreh mirënjohje të thellë për kontributin e çmuar dhe i uron shëndet, lumturi dhe mbarësi në këtë kapitull të ri të jetës.
