Pas 24 vitesh shërbim në Komunën e Gjakovës, është pensionuar Vjollca Mejzini Dujaka.
Në ceremoninë e organizuar me këtë rast morën pjesë Nënkryetari i Komunës, Flamur Fetahaj, bashkëpunëtorë, kolegë, miq dhe familjarë, të cilët shprehën mirënjohjen për kontributin e saj të çmuar ndër vite.
Me këtë rast, Nënkryetari Fetahaj e falënderoi Vjollca Mejzini Dujakën për përkushtimin dhe profesionalizmin e treguar gjatë gjithë karrierës së saj në Drejtorinë për Shëndetësi dhe Mirëqenie Sociale, duke vlerësuar angazhimin e saj në shërbim të qytetarëve të Gjakovës.
Në emër të Komunës së Gjakovës dhe të gjithë kolegëve, ai i uroi shëndet të mirë dhe një pensionim të qetë, të mbushur me momente të bukura pranë familjes dhe njerëzve të saj më të dashur.
