Kryetari i Komunës, Ardian Gjini, ka mbajtur mbledhjen e radhës me Shtabin e Emergjencave për COVID-19.
Edhe një herë, ata kanë theksuar se pavarësisht lehtësimit të masave, duhet të respektohen të gjitha rekomandimet e Institutit Kombëtar të Shëndetësisë Publike të Kosovës. Në të kundërtën, ata kanë thënë se mundësia që të kemi raste të reja është reale.
Nga kjo mbledhje, Kryetari Gjini ka thënë se Inspektorati i Komunës së bashku me Policinë e Kosovës do të bëjnë inspektim të rreptë nëpër të gjitha veprimtaritë shërbyese, lidhur me mbajtjen e domosdoshme të mjeteve mbrojtëse si maskat dhe dorëzat mbrojtëse. Në rastet e mosrespektimit të rekomandimeve të IKSHP-së, do të pasojnë sanksionet sipas ligjeve në fuqi.
