Pesë rrugë të reja do të shtohen shumë shpejtë në sistemin e infrastrukturës rrugore në komunën e Gjakovës. Kryetari i komunës Ardian Gjini, sot ka marrë pjesë në fillimin e punimeve për këto pesë rrugë, të cilat menjëherë pas ndërtimit të tyre, do të ndikojnë drejtëpërsëdrejti në lëvizjen e lirë të banorëve.
Bëhët fjalë për rrugën në Fshatin Nec, në gjatësi prej 877 metra dhe vlerë të investimit rreth 57 mijë euro, rrugën në fshatin Ramoc, që po ndërtohet në kuadër të kontratës kornizë për asfaltimin e rrugëve në komunën e Gjakovës, pastaj rrugës në fshatin Morinë, në gjatësi 1 kilometër dhe vlerë 85 mijë euro, rrugës që lidh fshatrat Devë dhe Guskë, në gjatësi 1,7 kilometra dhe vlerë 117 mijë euro dhe rrugës në fshatin Cermian, me gjatësi 2 kilometra dhe me vlerë të investimit 128 mijë euro.
Në të pesë këta fshatra banorët u shprehën të kënaqur për investimet që komuna po i bën, teksa shtuan se këto investime janë premtime të kryetarit Ardian Gjini, e të cilat tashmë po realizohen me përpikmëri.
