Ka filluar sot restaurimi i Kullës së familjes së Drane Bardhi Bojaxhi-ut, nënës së Shën Terezës.
Godina e vjetër ku jetoi nënë Dranja, si monument i mbrojtur i trashëgimisë kulturore, do të kthehet në një pikë referuese edhe për vizitorët.
Pjesa e parë e restaurimit do jetë eksterieri, gjegjësisht kulmi dhe fasada që do të financohen nga Komuna e Gjakovës dhe CHwB Kosova përmes fondeve të Qeverisë Suedeze, ndërkaq enterieri do të financohet nga UNDP dhe do të funksionalizohet gjatë vitit të ardhshëm.
Kjo Kullë, sipas gojëdhënave, diku rreth vitit 1910 ka shërbyer si vatër e arsimit shqip.
