Rreth 700 vende të punës janë në dispozicionin e të rinjve nga komuna e Gjakovës dhe rajoni për rreth. Kjo mundësi po ofrohet në kuadër të Panairit të Punës i cili është hapur sot në Gjakovë.
Hapjen e këtij panairi e ka bërë kryetari i komunës së Gjakovës Ardian Gjini, i cili ka thënë se përpos ofrimit të 700 vendeve të punës, ky panair ka edhe efekte tjera, pasi është një mundësi e mirë e promovimit dhe rritjes së biznesit si dhe krijon ndërlidhje të biznesit me qytetarët e komunës së Gjakovës.
Në hapje të panairit ka marrë pjesë edhe ministri ministrisë së punës dhe Mirëqenies Sociale Skender Reçica, i cili e ka konfirmuar përkushtimin e qeverisë së Kosovës dhe të kryeministrit Haradinaj për krijimin e kushteve më të mira të të bërit biznes , pasi sipas tij vetëm me biznes të shëndosh e të suksesshëm mund të zbritet shkalla e lartë e papunësisë.
Ndryshe, Panairi i punës është organizuar nga komuna e Gjakovës, ministria për punë dhe mirëqenie Sociale, qendra regjionale për punësim ndërsa është mbështetur nga GIZ-i gjerman.
