Projekti për trajtimin dhe revitalizimin e lumit Krena po vazhdon.
“Jam tejet i lumtur që sot nëshkrova kontratën për nisjen e punimeve në një fazë tjetër të këtij projekti, konkretisht në segmentin nga rruga “Yllka Domi” deri tek rruga “Skënder Shehu”. Ky është segmenti më i gjatë në të cilin pritet të zhvillohen punimet dhe sipas projektit është planifikuar të punohet në ndërtimin e mureve mbrojtëse dhe rregullimin e kanalizimeve. Ky projekt kap vlerën prej rreth 1.5 milion euro dhe financohet në tërësi nga buxheti i komunës. Jam i bindur se në përfundim të kësaj faze, lumi Krena do ta marrë një pamje krejt tjetër” është shprehur kryetari Gjini gjatë nënshkrimit të kësaj kontrate.