Kryetari i komunës së Gjakovës Ardian Gjini, së bashku me përfaqësuesit e kompanisë “Fidani-L” e kanë nënshkruar kontratën për fillimin e projektit për rehabilitimin e plotë të qendrës së qytetit, projekt ky që përfshinë rregullimin e tërësishëm të rrugëve, trotuarëve, gjelbrimit, ndriqimit, sinjalizimit e të tjera.
Ky projekt në vlerë prej rreth 1.1 milion Euro do të financohet nga granti i përformancës, pasi komuna e Gjakovës, për shkak të përformancës së mirë, është njëra prej përfitueseve më të mëdha të këtij granti. Punimet do të nisin shumë shpejtë dhe pritet të përfundojnë më së largu në fund të këtij viti.
