Është mbajtur ceremonia e nënshkrimit tê kontratave me përfituesit e granteve nga drejtoria për Zhvillim Ekonomik.
Drejtori i kësaj drejtorie Ferdinand Kolaj ka thënë se ky ka qenë njëri prej sesioneve më të suksesshme të ndarjes së granteve, duke marrë parasysh numrin e aplikuesve, numrin e përfituesve, shumën e ndarë dhe mbarëvajtjen e tërësishme të procesit.
Nga 138 aplikime, nga ndarja e granteve kanë përfituar 17 biznese ekzistuese, prej tyre 4 biznese të udhëhequra nga gratë dhe 9 biznese Start – Up, prej tyre 5 të udhëhequra nga gratë.
Shuma totale e ndarë për këto biznese është 110 mijë Euro dhe llogaritet si shuma më e madhe e ndarë deri me tani nga DZHE-ja.
Sipas drejtorit Kolaj, kjo shumë pritet të rritet edhe më shumë në vitin e ardhshëm.
