Nënkryetari i komunës së Gjakovës Flamur Fetahaj dhe drejtoresha e drejtorisë për Arsim Eranda Kumnova – Baçi kanë pritur përfaqësuesit e organizatës ndërkombëtare “Concordia”.
Kjo organizatë njihet në mbarë botën për realizimin e suksesshëm të shumë projekteve në mbështetje të fëmijëve, të rinjve dhe familjeve në nevojë.
Concordia ka gati dy vjet që e ka filluar aktivitetin edhe në Kosovë, ndërsa qëllimi i takimit ishte që të shihen mundësitë që në një të ardhme të afërt aktivitetet e organizatës të shtrihen edhe në komunën e Gjakovës.
Me këtë rast edhe u paraqitën dhe u diskutuan disa nga pikat e mundshme të bashkëpunimit dhe mundësitë konkrete që ky bashkëpunim të realizohet sa më shpejtë.
