Për nder të Ditës Botërore të Artit, nën organizimin e Drejtorisë për Kulturë, Rini dhe Sport dhe BONEVET Gjakova, në Galerinë e Arteve u hap ekspozitë dhe punëtori artistike përmes teknologjisë .
Në fjalën e saj para të pranishmëve, Drejtoresha për Kulturë, Rini dhe Sport Adea Roka është shprehur e lumtur për realizimin e kësaj ekspozite inovative nga të rinjtë e komunës sonë. “Jam mirënjohëse ndaj të rinjve tanë dhe BONEVET-it për kontributin e tyre për jetësimin e kësaj ekspozite kaq të bukur. Komuna e Gjakovës, Drejtoria për Kulturë, Rini dhe Sport do të vazhdojë të përkrahë aktivitete si ky sot” është shprehur ndër të tjera ajo.
