Për nder të 28 Nëntorit – Ditës së Flamurit, nënkryetari i Komunës Flamur Fetahaj i shoqëruar nga përfaqësues të Policisë së Kosovës, OVL UÇK – Dega në Gjakovë dhe bashkëpunëtorë të tij kanë bërë homazhe pranë lapidarit “Shokët e Lirisë”.
Nënkryetari Fetahaj i’u uroi të gjithë shqiptarëve Ditën e Flamurit, datë kjo e cila përkon me ditëlindjen e Komandantit Legjendar Adem Jashari si dhe me daljen e parë publike të UÇK-së. “28 Nëntori është një datë e lavdishme për gjithë kombin tonë dhe e cila na rikujton edhe një herë se amanetin e të parëve tanë e jetësojmë duke punuar për vendin tonë si dhe duke e respektuar e dashur njëri tjetrin” u shpreh ndër të tjera ai.
