Projekti i përkrahur nga BE “Konkurrueshmëria e Sektorit Kosovar të TIK”, në bashkëpunim me Zyrën e Bashkimit Evropian në Kosovë, Komunën e Gjakovës dhe Ministrinë e Ekonomisë, zhvilluan takimin ndërbiznesor dhe ndërsektorial B2B në Gjakovë.
Bizneset e Teknologjisë Informative dhe Digjitale u takuan me biznese nga industria e tekstilit dhe ndërmarrjet në fushën e agrokulturës, për të eksploruar mundësitë e tyre të përbashkëta të të bërit biznes, partneritetit dhe bashkëpunimit në drejtim të digjitalizimit, inovacionit dhe rritjes së eksporteve. Kompanitë e Teknologjisë Informative e Digjitale patën mundësinë të prezantojnë zgjidhjet e tyre të mençura’ për sektorët e ndryshëm të industrisë së tekstilit dhe agrokulturës që përballen me çështje siç janë shërbimet dhe transformimi digjital i inovacionit.
