Sot Kryetari i Komunës, Ardian Gjini ka inspektuar fillimin e punimeve për parkun më unik në Kosovë, parkun e qytetit të Gjakovës. Kryetari i Komunës Ardian Gjini për punimet e parkut u shpreh që : “Sot i japim fund dilemave që këtu do të ndërtohet. Në këtë vend, ku investimet munguan nga sot fillon një frymë e re. Ky park për nga rëndësia është i madh por vlera monetare e tij është modeste”.
Gjithashtu gjatë ditës së sotme kanë filluar punimet në aksin e parë rrugorë të rrugës “Petro Nini Luarasi” vlera e të cilit kap shumën prej 85,000.00 eurosh. Në këtë aks rrugor e cila lidh rrugën për tek ngrohtorja e re e qytetit përfundon gjatë këtij viti sepse gjatë vitit vijues do të fillojnë edhe punimet në autostradën Gjakovë-Prizren. Kjo rrugë gjithashtu gjatë periudhës së punimeve në autostradë do të shërbejë edhe si rrugë tranzite.
Nisma e sotme e rrugëve ka vazhduar edhe në fshatrat Novosellë e Epërme dhe Doblibare, të cilat kapin vlerën totale 600.000 euro si tërësi dhe 5.5 kilometra rrugë.
