Në Gjakovë, nën organizimin e bandës dhe korit të Ushtrisë së Shteteve të Bashkuara për Evropë dhe Afrikë, FSK-së dhe Komunës së Gjakovës u mbajt “Outreach Day” .
Fillimisht, përfaqësues të trupës së bandës USAREUR-AF, u pritën në takim nga Nënkryetari i Komunës Flamur Fetahaj dhe Drejtori për Mbrojtje dhe Shpëtim Haxhi Sejdiu. Nënkryetari Fetahaj falenderoi bendin për vizitën dhe posaqërisht për sjelljen e “Outreach Day” në qytetin e Gjakovës. Ai u shpreh se populli i Kosovës është gjithmonë mirënjohës ndaj Shteteve të Bashkuara të Amerikës për miqësinë dhe mbështetjen e vazhdueshme.
Gjatë bashkëbisedimit, ata u dakorduan që ngjarje si kjo e sotmja të ketë edhe në të ardhmen.
Adhuruesit e muzikës, patën mundësinë të shohin nga afër performancën e mrekullueshme të bandës në Shkollën e Muzikës “Prenk Jakova”.
