Me iniciativë të koordinatores Lumnije Shllaku, Mekanizmi Kundër Dhunës në Familje me përkrahjen e UN Women Kosovo ka mbajtur punëtori rreth Rishikimit të Planit të Veprimit Kundër Dhunës në Familje në komunën e Gjakovës.
Për dy ditë me radhë, anëtarët e Mekanizmit si dhe përfaqësues nga Qeveria e Kosovës, UN WOMEN dhe Komuna e Gjakovës kanë diskutuar rreth situatës aktuale dhe sfidave. Mbi të gjitha, pjesëmarrësit në këtë punëtori kanë punuar në detaje në plotësimin e kësaj strategjie, duke vendosur objektivat dhe aktivitetet që do të realizohen me qëllim të parandalimit të dhunës.
Pas përpunimit të Draft Dokumentit final të kësaj strategjie, i njëjti do të kalojë për aprovim në mbledhjen e Kuvendit të Komunës së Gjakovës.
