Nënkryetari i Komunës së Gjakovës, Flamur Fetahaj, së bashku me përfaqësues të ekzekutivit komunal, bënë homazhe në përvjetorin e ndarjes nga jeta të patriotit Avdullah Babalija, Komandant i Brigadës 137 “Gjakova”.
Me këtë rast u nderua figura, veprimtaria dhe kontributi i tij i çmuar në shërbim të vendit, si gjatë periudhës së luftës ashtu edhe në vitet e pasluftës, duke lënë gjurmë të rëndësishme në historinë dhe kujtesën kolektive të qytetarëve.
Pjesëmarrësit shprehën respekt dhe mirënjohje për angazhimin dhe sakrificën e Avdullah Babalijës, duke vlerësuar rolin e tij në rrugëtimin për liri dhe në ndërtimin e vlerave të shoqërisë sonë.
Komuna e Gjakovës vazhdon të nderojë figurat që kanë dhënë kontribut të veçantë për vendin, duke ruajtur të gjallë kujtimin dhe veprën e tyre ndër breza.
