Nën organizimin e Komunës së Gjakovës dhe Ministrisë për Punë të Brendshme, me mbështetje nga Misioni i OSBE-së në Kosovë, është mbajtur tryezë me temën “Trafikimi me qenie njerëzore”.
Ky aktivitet i mbajtur në Gjakovë, është në kuadër të Fushatës Kundër Trafikimit me Njerëz, e cila do të zgjasë një muaj me aktivitete te ndryshme, me synim të ngritjes së vetëdijes së popullatës së gjerë lidhur me këtë fenomen.
Gjatë fjalës së tyre, Kryetari i Komunës Ardian Gjini dhe Zëvendës Ministri i MPB-së Blerim Gashani, theksuan rëndësinë e bashkëpunimit të institucioneve relevante dhe qytetarët, për luftimin e kësaj dukurie negative.
Poashtu, u vlerësua lartë roli i Këshillave Komunale për Siguri në Bashkësi nëpër komuna për luftimin e trafikimit të qenieve njerëzore.
