Është mbajtur takimi i radhës i Këshillit për Siguri në Bashkësi ku u diskutua për raportin e sigurisë në pjesën e parë të vitit në komunën e Gjakovës. Sipas raportit të Policisë gjendja e sigurisë ka qenë kryesisht e qetë dhe krahasuar me periudhën e njejtë të vitit të kaluar numri i rasteve është më i ulët, duke përjashtuar rastet e dhunës në familje që kanë shënuar rritje.
Kryetari i Komunës, Ardian Gjini u shpreh që deri në fund të vitit kalendarik ne si institucion do të bëjmë një studim lidhur me raportimet e dhunës në familje, përdorimi i substancave narkotike, delikuencën e të miturve dhe efektin e mbylljes së kazinove.
Mbledhja e KKSB-së përfundoi me informatën e përfundimit të vitit shkollor 2018-2019, nga ku u cilësua si një vit i suksesshëm për rezultatet e nxënënsve në garat e diturisë.
