Komuna e Gjakovës, përkrahur nga Organizata për Siguri dhe Bashkëpunim në Evropë (OSBE), Misioni në Kosovë, organizuan punëtori njohëse dhe informuese me kryetarët e sapo zgjedhur të këshillave lokal.
Në këtë takim u diskutua për funksionimin e këshillave lokal, rolin dhe përgjegjësitë e tyre, bashkëpunimin në përputhje me kornizën ligjore dhe promovimin e përfaqësimit të barazisë gjinore në strukturat pjesëmarrëse komunale.
Kryetari i Komunës Ardian Gjini dhe Kryesuesja e Kuvendit Arbënesha Kuqi vlerësuan punën e komisionit për organizimin e zgjedhjeve, falënderuan mbështetjen e OSBE-së në këtë proces, dhe po ashtu ofruan përkrahje institucionale për këshillat lokal në zhvillimin e kapaciteteve duke rritur rolin e tyre në vendimmarrje dhe përkrahjen për realizimin e projekteve të përbashkëta.
