Komuna e Gjakovës e përkrahur nga Organizata për Siguri dhe Bashkëpunim në Evropë (OSBE), ka organizuar sot punetorinë për hartimin e draft Rregullores për Mbrojtjen e Mjedisit dhe hartimin e Planit Lokal të Veprimit për Cilësi të Ajrit për Komunën e Gjakovës.
Grupi punues i caktuar për këtë qëllim, ka diskutuar politikat mjedisore dhe ka përpiluar kuadrin rregullativ bazuar në dokumentet strategjike për mbrojtjen e mjedisit në përputhje me aktet ligjore dhe nënligjore në fuqi.
Gjatë përgatitjes së rregullores dhe planit, grupi punues është mbeshtetur nga OSBE dhe OJQ “Let’s Do It Peja” me udhëzime për përshtatjen e ketyre dokumenteve në përputhje me legjislacionin përkatës.
Pas punëtorisë, veprimet shtesë përfshijnë konsultimet me zyrtarët e ministrisë, konsultimin publik dhe miratimin nga kuvendi komunal.
