Është mbajtur mbledhja e tetë e Komitetit për Politikë e Financa, e kryesuar nga kryesuesja e kuvendit Arbënesha Kuqi.
Ky takim pati vetëm një pikë të rendit të ditës, miratimin e buxhetit të komunës për vitin 2024. Para anëtarëve të KPF-së prezentimin e buxhetit komunal e ka bërë drejtori i drejtorisë për Buxhet dhe Financa Durim Halilaj, i cili ka folur në detaje për rritjen e buxhetit, ndikuar nga rritja e të hyrave vetanake e rrjedhimisht edhe rritjen e investimeve kapitale dhe numrin akoma më të madh të projekteve që parashihet të realizohen nga këto investime.
