Është mbajtur sot mbledhja e tretë e Kuvendit të Komunës së Gjakovës, për vitin 2021.
Pas pikës së përhershme, Pyetje për ekzekutivin, janë shqyrtuar dhe janë miratuar të gjitha pikat tjera të propozuara nga kryesuesi Anton Shala.
Fillimisht është miratuar Propozim – Vendimi për caktimin e parcelës për ndërtimin e “qendrës ditore për pensionistë”, një propozim ky që ka ardhur nga kryetari i komunës Ardian Gjini.
Më tej, drejtori i drejtorisë për Buxhet dhe Financa, Durim Halilaj ka prezantuar Informatën Financiare për periudhën Janar – Dhjetor 2020 si dhe është miratuar bartja e të hyrave vetanake të pa shpenzuara nga viti fiskal 2020 në buxhetin e vitit fiskal 2021.
Në vazhdim, anëtarët e kuvendit kanë rishqyrtuar dhe kanë miratuar edhe 4 dokumente tjera, draft Rregullorja komunale për Transparencë, draft Plani i Veprimit për Transparencë, Vendimi për caktimin e lokacionit për ndërtimin e lapidarit për Martirët dhe personat e pagjetur nga lufta e fundit, si dhe Vendimi për caktimin e lokacionit për ndërtimin e objektit të për ushtrimin e aktiviteteve për banorët e fshatit Skivjan.
Në fund të këtij takimi është dhënë edhe një informatë lidhur me garazhin e autobusëve, segment ky i menaxhuar nga ndërmarrja komunale “Stacioni i Autobusëve”.
