Është mbajtur mbledhja e dytë për vitin 2020 e Komitetit për Politike dhe Financa (KPF), në të cilën janë shqyrtuar dhe kanë kaluar për diskutim në mbledhjen e ardhshme të Kuvendit të Komunës.
Me propozim të kryesuesit Anton Shala, pas miratimit të rendit të ditës dhe procesverbalit nga mbledhja e kaluar, fillimisht është diskutuar për Informatën e drejtorisë së Arsimit mbi suksesin e gjysëmvjetorit të parë për vitin shkollor 2019 – 2020, raport i cili u prezentua nga drejtori i DKA-së Bernard Frrokaj.
Më tej para anëtarëve te KPFsë janë prezentuar edhe raporti për monitorimin e Planit Rregullues Urban “Gjakova 2005”, informata mbi realizimin e Planit Vjetor të Punës së Njesisë së Auditimit të Brendshëm për vitin 2019 si dhe Informata mbi Planin e Punës së Zyrës së Prokurimit për vitin 2020.
Në këtë takim gjithashtu është formuar edhe komisioni për udhëheqjen dhe koordinimin e punës në teren në zgjedhjen e këshillave lokale në komunën e Gjakovës.
