Mbahet mbledhja e rradhës e KKSB-së

Mbledhja e parë për këtë vit e Këshillit Komunal për Siguri në Bashkësi është kryesuar nga Kryetari i Komunës, Ardian Gjini.

Gjatë fjalës së tij para anëtarëve të këtij këshilli, Kryetari Gjini, është fokusuar në dëmet e shkaktuara nga reshjet e fundit atmosferike në komunën e Gjakovës. Në këtë drejtim, ai ka raportuar për punën që është bërë deri më tani për verfikimin e dëmeve dhe për hapat që do të ndërmerren në vazhdim lidhur me vlerësimin e tyre. “Sa i përket problematikës në lagjen Brekoc, fillimisht po shikojmë mundësinë për një zgjidhje të përhershme në bashkëpunimin me ministritë përkatëse. Nëse një gjë e tillë nuk do të ndodhë, Komuna e Gjakovës do të buxhetojë vetë ndërtimin e banesave sociale për familjet e rrezikuara nga vërshimet në atë zonë” u shpreh ndër të tjera Kryetari Gjini.

Ndërkaq, Drejtori për Mbrojtje dhe Shpëtim, Vehat Hoxhaj, ka raportuar për punën që po bëhet në terren për eliminimin e problemeve, në mënyrë që ngjarje të tilla të mos përsëriten më.

Gjatë kësaj mbledhjeje, nga Zv. Komandanti i Stacionit Policor në Gjakovës, Ramë Bekaj, është raportuar lidhur me çështjen e sigurisë gjatë vitit 2020, e cila ka qenë në nivel.

Mbahet mbledhja e rradhës e KKSB-së

How do I?

Si mund të?