Është mbajtur sot mbledhja e radhës e Komitetit për Komunitete, e cila në mungesë të kryesueses Elvane Qorri është kryesuar nga anëtari i këtij komiteti Bislim Hoti.
Në këtë takim është diksutuar pë gjendjen aktuale të qytetarëve nga komunitetet jo shumicë, ndërsa rëndësi e veçantë i është kushtuar gjendjes me strehim të disa familjeve komunitare.
Duke qenë se po ballafaqohemi me temperatura të ulta, është dakorduar që një disa anëtarë të këtij komiteti të dalin në teren dhe ta verifikojnë gjendjen, në menyrë që tu dilet në ndihmë familjeve nevojtare.
Në këtë takim poashtu është njoftuar se komuna është duke u angazhuar që në bashkëpunim me një organizatë joqeveritare te sigurojë nje fond prej 52 mijë eurosh, mjete këto që do të përdoren per investime ne rregullimin e kushteve për jetesë per disa familje ne nevojë.
