Komisioni Komunal për Siguri në Bashkësi (KKSB) ka mbajtur mbledhjen e radhës, në të cilën janë shqyrtuar disa pika të rendit të ditës.
Fillimisht është diskutuar kërkesa për heqjen e disa mjeteve të pa shpërthyera dhe mjeteve plasëse në rrënojat e ish – pompës “Marash Petrol”, objekt ky i mbetur në gjendje të tillë që prej bombardimeve të NATO-s në vitin 1999. Bashkërisht u akordua nga të gjithë anëtarët e KKSB-së që ky problem të zgjidhet sa më shpejtë që është e mundur edhe për faktin se tashmë në atë pjesë do të nisin punimet për zgjerimin e rrugës dhe ndërtimin e autostradës Gjakovë – Klinë dhe ky objekt paraqet rrezik për të gjithë.
Pas kësaj është folur për situatën e përdorimit të substancave narkotike nga të rijnë. Me këtë rast nga ana e Eranda Kumnova Baçi, anëtare e KKSB-së dhe përfaqësuese e Organizatës IFK është prezantuar një doracak mbi llojet e drogave dhe simptomat e para tek përdoruesit e rijnë, doracak përmes së cilit synohet vetëdijesimi i prindërve për një kontroll më të madh tek fëmijët e tyre dhe parandalim të përdorimit të substancave narkotike.