Është mbajtur mbledhja e 6-të e Komitetit për Politikë e Financa, e cila sipas propozimit të kryesueses Arbënesha Kuqi e ka pasur vetëm një pikë të rendit të ditës, shqyrtimin e Kornizês Afatmesme Buxhetore 2024-2026.
Prezentimin e këtij dokumenti e ka bërë drejtori i drejtorisë për Buxhet dhe Financa Durim Halilaj, i cili mes tjerash ka përmendur rritjen e buxhetit për 6.5 milion Euro, shpërndarja e buxhetit me rritje në pothuajse shumicën e kategorive, me theks të veçantë në investime kapitale, grante e subvencionime e të tjera.
Me vendim unanim të anëtarëve të KPF-së, kjo pikë ka kaluar për diskutim në mbledhjen e radhës së kuvendit të komunës.
