Nën kryesimin e kryesuesit Anton Shala është mbajtur mbledhja e parë për vitin 2019 e Komitetit për Politikë dhe Financa në Komunën e Gjakovës.
Sipas propozimit të rendit të ditës janë miratuar dhe kanë kaluar për shqyrtim ne asamble shumica e pikave.
Anëtaret e KPF-së votuan për diskutim në Kuvend për raportin e auditorit të komunës, planin e punës së KKSB-së, raportin e punës së drejtorisë komunale të Arsimit si dhe shqyrtimin e planit të rregullores të hollësishëm të kompleksit urbanistik “Rezine Petro Nini Laurasi”.
Me kërkesë të subjekteve opozitare në mbledhjen e radhës së Kuvendit Komunal do të raportohet edhe për gjendjen e rrugëve pas reshjeve të borës.
