Është mbajtur sot mbledhja e jashtëzakonshme e Komitetit për Politikë dhe Financa të Kuvendit të Komunës së Gjakovës, ku u shqyrtua Projekt Buxheti për vitin 2022.
Udhëheqësja në Drejtorinë për Buxhet dhe Financa, Gentiana Qurdina Nixha, prezentoi strukturën e buxhetit komunal 2022-2024, i cili është rritur për 1 milion e 486 mijë e 351 euro më shumë se projekt buxheti i kaluar apo gjithsej 27 milion e 816 mijë e 931 euro.
Anëtarët e komitetit shprehën sygjerimet e tyre në lidhje me projektet që sipas tyre duhet trajtuar si prioritet në këtë Projekt Buxhet.
Projekt buxheti u votua unanimisht nga anëtarët , për të kaluar në votim në Asamblenë Komunale.
