Është mbajtur sot mbledhja e 10-të e Kuvendit të Komunës së Gjakovës. Nën udhëheqjen e kryesueses Arbënesha Kuqi, në këtë takim janë diskutuar dhe miratuar një sërë pikash të rendit të ditës.
Takimi ka nisur me pyetje për ekzekutivin me ç ‘rast tema më kryesore ishin situata me reshjet, problematika me urën në fshatin Rogovë, ndriçimi publik, strehimi e të tjera. Në këto pyetje të parashtruara nga anëtarët e Kuvendit, janë përgjigjur nënkryetari i komunës Flamur Fetahaj, drejtori për Buxhet dhe Financa Durim Halilaj, ai për Shërbime Publike Shkumbin Kastrati e të tjerë.
Më tej, kuvendarët kanë miratuar Rregulloren Komunale për Shqyrtimin e Ankesave në Institucionet e Arsimit Para universitar, rregullore kjo e cila u prezantuar nga drejtoresha për Arsim Eranda Kumnova – Baçi.
Me vota të anëtarëve të Kuvendit, është formuar edhe Komiteti për Rini, Kulturë, Turizëm dhe Trashëgimi Kulturore, ndërsa nga Elgit Qeli, kryetar i Komitetit Komunal për Komunitete është paraqitur raporti i punës i këtij Komiteti, raport i cili morri vlerësime tejet pozitive nga kuvendarët.
