Drejtoria komunale për urbanizëm dhe mbrojtje të mjedisit organizoi konsultim publik për trajtimin e projekt-rregullores komunale për mbrojtjen e mjedisit, projekt-rregulloren komunale për cilësinë e ajrit dhe projekt-planin komunal të veprimit për cilësinë e ajrit. Pjesëmarrësit u njoftuan nga udhëheqësi i sektorit për mbrojtjen e mjedisit, Fatos Deda për qëllimin dhe rëndësin e politikave komunale në fushën e perspektivës mjedisore, si dhe obligimet për zbatim që rrjedhin pas miratimit nga kuvendi i komunës. Në hartimin e politikave lokale për mbrojtjen e mjedisit dhe planit të veprimit për cilësinë e ajrit është angazhuar komisioni komunal, përkrahur nga OSBE Misioni në Kosovë dhe OJQ “Let’s Do It Peja”.
