Në Pallatin e Kulturës “Asim Vokshi” në Gjakovë, është mbajtur edicioni i tretë i Festivalit mbarëkombëtar të Poezisë.
Ky aktivitet është mbështetur nga Komuna e Gjakovës, përkatësisht Drejtoria për Kulturë, Rini dhe Sport.
Në këtë ngjarje, morën pjesë poetë e krijues nga të gjitha trevat shqiptare si dhe diaspora, të përzgjedhur në bazë të kritereve të konkursit të shpallur kohë më parë nga Qendra Kombëtare e Poetëve, Shkrimtarëve dhe Artistëve “Gjakova”.
Juria e “Festivalit Mbarëkombëtar të Poezisë 2023”, në përbërje prej 3 anëtarësh, vlerësoi poezitë e poetëve pjesëmarrës duke i përzgjedhur poezitë më të mira.
Vendin e parë e fitoi poezia me titull “Grua, ti je vetë jeta” e autorit Osman Goranci, vendin e dytë e ndanë dy autorë, Dibran Fylli me poezinë “Tinguj zjarri” dhe Anila Qirjazi Mihali me poezinë “Vajza që dashuronte yjet”. Vendi i tretë u nda në mes të tre poetëve Kujtim Morina, Flora Peci dhe Fjolla Agusholli. Çmimi i jurisë i’u nda Kaltrinë Ukës, kurse çmimi i publikut Ymrije Beqirit.
