Dëgjimi Buxhetor i radhës, i organizuar nga Kuvendi i Komunës përkatësisht Komiteti për Politikë dhe Financa në bashkëpunim me Drejtorinë për Buxhet dhe Financa, me mbështetjen e Misionit të OSBE-së në Kosovë, është mbajtur me Grupin e Grave Asambleiste, Komitetin për Brazi Gjinore dhe OJQ të komunës.
Pjesëmarrësit, u interesuan për projektet dhe aktivitetet e përfshira në buxhetin fillestar për vitin 2024, por edhe paraqitën idetë e tyre për projekte që mund të përfshihen në këtë buxhet.
Ndërkohë, përfaqësuesja e OSBE-së Natalia Rusu, vlerësoi lartë faktin që Komuna e Gjakovës, vit pas viti, ka rritje të të hyrave vetanake, i cili fakt po reflekton në rritje të investimeve kapitale poashtu.
Gjatë këtij dëgjimi, u tha se është e domosdoshme pjesëmarrja e qytetarëve në dëgjime buxhetore, si një ndër mënyrat më të mira për t’u bërë pjesë e vendimmarrjes.
Gjatë ditës së sotme, ishte paraparë të mbahej edhe një dëgjim tjetër buxhetor me qytetarë të komunës sonë. Për shkak të mospjesëmarrjes së tyre, ky aktivitet u anulua nga organizatorët
