Nënkryetari i Komunës Flamur Fetahaj bashkë me drejtorët komunalë, kanë mirëpritur banorët e komunës sonë në debatin e parë publik për vitin 2023.
Fillimisht, Nënkryetari Fetahaj, është shprehur mirënjohës ndaj të pranishmëve që i janë përgjigjur ftesës publike nga institucioni i Komunës së Gjakovës për t’u bërë pjesë e këtij debati, pasiqë kjo është një nga format më të mira për t’u bërë pjesë e vendimmarrjes.
Më pas, ai ka prezantuar projektet e realizuara nga qeverisja komunale në gjashtë muajt e parë të këtij viti dhe planet e punës për gjashtë muajt në vijim.
Qytetarët e pranishëm në debat, parashtruan pyetje por edhe bënë kërkesa për projekte të cilat ndikojnë drejtëpërdrejtë në mirëqenien e tyre. Përgjigjet i morrën nga nënkryetari Fetahaj dhe drejtorët komunalë.
Sa i përket kërkesave të parashtruara, përfaqësuesit e Komunës së Gjakovës u zotuan se ato do të merren me seriozitet nga ana e qeverisjes komunale.
