Nën patronatin e Kryetarit të Komunës Ardian Gjini dhe Kryesueses së Kuvendit Arbënesha Kuqi, është mbajtur Seancë Solemne për nder të 15 vjetorit të Pavarësisë së Kosovës !
Të ftuar specialë në këtë ngjarje të veçantë ishin Kryetari i Bashkisë së Shkodrës Bardh Spahija, Kryetari i Bashkisë së Sarandës Adrian Gurma, Kryetarët e Komunave Arbëreshe, Angelo Catapano, Alessandro Tocci, Gennaro Caparelli dhe miq të shumtë nga vise të ndryshme shqiptare.
Nga këtu, u përçua mesazhi i urimit të kësaj date të shënuar për të gjithë shqiptarët kudo që ndodhen.
Mirënjohje e përjetshme për dëshmorët e martirët e lirisë si dhe Shtetet e Bashkuara të Amerikës dhe NATO-s të cilat i dhanë vulën lirisë dhe pavarësisë që gëzojmë sot!
